Goðsögn í vélarrúmið á Ás NS 78

Í ágúst 2024 afhentum við hjá GO ON nýja vél til hans Odds hjá útgerðinni Jökulheimar ehf. Það var báturinn Ás NS-78 (1775) sem fékk þessa öflugu uppfærslu.

Fyrir valinu varð Ford 2725E, vél sem er í miklum metum hjá sjómönnum fyrir að vera hreinlega óslítandi. Þetta er vélbúnaður sem er smíðaður fyrir alvöru átök, hún er einföld, sterk og ræður við allt það vinnuálag sem íslensk úthafsvinna krefst af henni.

Ford 2725E er þekkt fyrir að vera eitt slitsterkasta vinnuhrossið í bransanum. Með þessari vél er Ás búinn undir mörg farsæl ár á sjó, enda er hún hönnuð til að endast og standast álagið sem fylgir því að draga björg í bú túr eftir túr.

Við hjá GO ON óskum Jökulheimum ehf. innilega til hamingju með vélina. Megi hún skila þeim klakklaust í land um ókomna tíð. Við vonum að allt sé það traust og rótt í vélarrúminu að eina raunverulega hættan sé að skipstjórinn fari að dotta undir stýri í miðri siglingu.