Öflug Mermaid JCB vél í Guðna Sturlaugasson ÁR 1

Í september 2018 afhentu starfsmenn GO ON ehf. Nýja og kröftuga bátavél til Guðlaugs Orra Gíslasonar og fyrirtækisins Sandvirki ehf. Vélin var sett í bátinn Guðna Sturlaugasson ÁR 1.

Fyrir valinu varð Mermaid JCB marine diesel vél, týpa 444TCAE. Þetta er 4 strokka vél sem skilar 160 hestöflum við 2200 snúninga. Vélin er búin forþjöppu og millikæli sem tryggir hámarks eldsneytisnýtingu og er hún þekkt fyrir að skila miklu afli, sem gefur bátnum góða snerpu. Með þessari endurnýjun er báturinn enn betur stakk búinn til að sækja á miðin.

Saga GO ON og Mermaid vélanna á Íslandi er löng og farsæl, en þeir sem standa að fyrirtækinu seldu fyrstu Mermaid bátavélina til landsins árið 1976. Upp frá því hefur GO ON þjónustað þessar vélar af kostgæfni og selt yfir 200 vélar hér á landi.

Við hjá GO ON óskum Guðlaugi Orra og Sandvirki ehf til hamingju með vélina og óskum farsældar á sjó og ríkulegs afla.